اول روايه لي وان شاءالله تنال ع اعجابكم ..
فيها [ الحزن - والفرح - الرومانسيه - جرائه ]
عايله بو سعد
بو سعد ..(45) طيب وحنون وصارم بعض الاحيان ورجل اعمال
ام سعد ..(40) حنوووونه حيييل على عيالها اهم شي تجوفهم مستانسين
عيالهم :
سعد ( 25) وسيم حييل جسمه رياضي طبعه عصبي وحنون وغامض
يشتغل مع ابوه بالشركه
جراح (20) مملوح ويدرس قانون واهو دراسه بصوب واهو بصوب ثاني هم الوحيد الطلعات مع ربعه
ومغازلجي
منال (18) جمميله تشبه اخوها سعد واخر سنه بالثانويه بس مشالله دافور عكس اخوها جراح وتتمنى تصير مهندسه
--------------------------------------
بيت بو سعد :
أم سعد تروح تقوم عيالها عشان يروحون دوامات
تدخل غرفه سعد
أم سعد : سعد ..
سعد:...
أم سعد : يلا يما قوم وراكم دوام
سعد : هممم ساعه جم الحين
أم سعد : 7
سعد : انزين
أم سعد : قوم غسل وصل عشان تتريق ماشي يما
سعد: ان شاءالله
تدخل غرفه جراح
أم سعد : جراااح
جراح :,, لا حياه لمن تنادي
ام سعد : يلاا قووم وراك كللييه
جراح بدا يصحه : يمه ما عندي دوام الدكتور معتذر ابي انام تكفين
أم سعد ما صدقت ..>->:يلاا قووم وعن الكسل جابل درااستك بدال السهر وهياته
جراح: انا مو سهران نايم امبجر اصلاا
ام سعد : تقص علي انا امك وعارفتك عدل ,,, الله ما عطاك ما عطا اخوك ما يتعبني لما اقومه انت بزوور تقووم
جراح: خلااص يالغاليه والله كاني قمت
تدخل غرفه منال
ام سعود : منال
منال: هممم
ام سعود : يلا يممه قومي ساعه 7
منال تقوم : ان شاءالله
وام سعود تجهز الفطوور وينزل ابو سعد
ابو سعد : صباح الخير
أم سعد : صباح نوور.. تعال اقعد تريق
أبو سعد : عيالج وينهم
أم سعود: كاهم نازلين
سعد : صباح الخير يالغالين "ويبوس راس ام وابو"
ام سعد وابو سعد : صباح نور
منال: صباح الخير
كلهم : صباح نور
أبو سعد: وين ولدج هذا ما يشببع من نومم
ابو سعد يصاارخ : جراااااااااااااااااااااااااااااااااااح:
جراح ينزل من دري بسرعه : كاني كاني صباح الخير
أبو سعد: لين متى وانت تتاخر بالقعد ما تعقل
جراح يحك راسه : يبه رد علي قاعد اصبح عليك الحين
أبو سعد : اسكت بس اسكت اقعد اكل و عقب تروح كليتك ولا تقول ما عندي دوام اعرف جدولك فا العب غيرها
منال : هههههههه وكا زفوو
جراح عصب عليها : سكتي لا لا احذفج بالقلاص
ابو سعد : تزف دلوعتي وجدامي بعد
منال بدلع : فددديت ابوي انا
جراح : ما يلوق الدلع
سعد عصب : الواحد ما ياكل بهدوء من صباح الخير اهواش احترم ابوي وامي ع اقل
سعد : الحمدالله انا رايح الشركه
أم سعد : بحفظ الله وشوي شوي بطريج يمه
سعد : ان شاءالله يمه
ابو سعد يكلم جراح : جوف العلم يوصلك ويتعداك اذا ما شدي حيلك بالدرااسه والله وثم والله لا اخليك تشتغل عندي مو اي شغل بخليك مندوب تنكرف
كرف
جراح : لالالا ان شاءالله بشد حيلي كل شي ولا بريستيجي يضيع
